HOOFSTORIES: •   Eskom gee uitstel vir terugbetaling van skuld   •   Polisie steeds op moordenaars se spoor   •   Plaasaanvalle nie altyd rasgedrewe   •   Swerm bye dood talle diere op plaas   •   Groot klopjag 'n sukses   •   Mookgophong-projekte vorder goed   •   Sielkundiges in hegtenis geneem   •   GPF versterk polisie se hand   •   Vyf jaar vir moord op baba   •   'Onwettige immigrant' vasgetrek   •   'Mercy' for Zimbabweans   •   Brief: Hoekom is radio so stil oor plaasaanval?   •   Hoofartikel: Gooi kole!   •   ERFENISDAG - viering van reënboognasie   •   Kleuterskool blaas 40 kersies dood   •   Rugbyklub vereer spelers
 

 
 

 

Driekampatlete pak triathlon op Bela-Bela aan


   14 July 2017   l   Andries van der Heyde    l   Views: 106   l   2 months ago  

 

Die 5150 Standard Bank 5150 Bela-Bela Triathlon-byeenkoms vind weer in Augustus by Forever Resorts op Bela-Bela plaas. Op die foto is die driekampatlete tydens verlede jaar se wegspring.


Fikses en brawes kan gerus weer uitsien na die jaarlikse Standard Bank 5150 Bela-Bela Triathlon-byeenkoms wat op Saterdag, 12 Augustus, by Forever Resorts op dié dorp sal plaasvind.

Atlete swem vanjaar 1,5 km by Forever se ski-dam, ry 40 km fiets op die Alma-pad buite Bela-Bela en hardloop dan 10 km deur Forever Resorts se terrein. Verkeer gaan vir die duur van die wedren in Robertson- en Groblerstraat vertraag word.

Vanjaar word daar ’n bykomende wedloop vir ouderdomme 15-17 aangebied wat die Funtri genoem word waartydens  jonger atlete kragte kan meet in 400 m swem, 20 km fietsry en 5 km draf. 

Spanne van twee of drie kan aan dié wedloop deelneem.

Verlede jaar se manswenner tydens die Bela-Bela-byeenkoms was Travis Johnston wat die swem, fietsry en hardloop binne 01:59:13 voltooi het, met die vrouewenner, Andrea Steyn, wat die wedloop binne 02:14:31 voltooi het.

Suid-Afrika kan verder geëerd voel aangesien die Ironman 70.3 Wêreldkampioenskap vir die eerste keer in September 2018 in Afrika in Port Elizabeth aangebied word.

Vir meer inligting oor registrasies vir die 5150 Bela-Bela-byeenkoms kan mense die webwerf www.ironman.com/5150belabela besoek.

 


 

0 Comments

To leave a comment you need to login / register first



       



Ander stories