HOOFSTORIES: •   Reën veroorsaak skade; dam nog leeg   •   Sakke dagga gevind   •   Jong leerder vergruis kakebeen ná val   •   Grond op Vaalwater onwettig betree   •   Kontrakteur sê hy is omkoopgeld gevra   •   Afriforum maak dorp skoon terwyl werkers staak   •   Inwoners keelvol vir dienslewering   •   Liggiehuis lok van heinde en ver   •   Munisipale skuld moet beter bestuur word   •   Disabled people also need a future   •   Brief: vat inwoners vas oor vullis   •   Eskom krag-krisis afgeweer   •   Twee renosters buite Vaalwater gestroop   •   Quick recovery after reports of stolen vehicle   •   Organisation to equip youth with skills
 

 
 

 

Ouers moet met kinders praat oor veiligheid


   09 June 2017   l   Die Pos-span/The Post team    l   Views: 196   l   6 months ago  

 

Kleinmagetryn se kleuters met hul “Ek kan nee sê”-pamflette wat hulle tydens Kinderbeskermingsweek ontvang het.


Rata Maatskaplike Dienste op Modimolle het tydens Kinderbeskermingsweek van 28 Mei tot 2 Junie seker gemaak dat jong kinders wéét wat hul regte is. 

Met behulp van Parmant die krokodilletjie, ’n karakter uit ’n kinderboek, het hulle kinders by verskeie kleuterskole geleer van toepaslike en ontoepaslike aanraking. Elrita Roos het vir die kinders voorgelees uit die boek waar Parmant hulle leer dat hulle “nee” kan sê wanneer iemand ontoepaslik aan hulle vat. 

Die kleuters het ook elkeen ’n pamflet ontvang wat verder verduidelik waaroor dit gaan. Lize Fouché, ’n maatskaplike werker by die organisasie, het ouers aangemoedig om die pamflet met hul kinders te bespreek en seker te maak dat hulle verstaan wat daarin staan. Dit gee ouers die geleentheid om ’n vertrouensverhouding en openlikheid by hul kinders te kweek, wat dit vir kinders makliker sal maak om oor dié onderwerp te praat. 

Rata het Kleinmagetryn-, Bosveldapies-, Klein Vyf-, Waterberg Kleuterland-, Klein Treetjies-, Kleuterakademie- en Brakanjan-kleuterskole besoek. 

Die maatskaplike werkers het boekmerke in Afrikaans, Engels en Sepedi, met wenke vir kinders om hulself veilig te hou, uitgedeel. Hierdie boekmerke is beskikbaar by Rata se kantoor teen ’n donasie.

 


 

0 Comments

To leave a comment you need to login / register first



       

 

NEEM ASSEBLIEF KENNIS:

Die Pos se kantore sluit op Vrydag, 15 Desember 2017 en heropen weer op Maandag, 8 Januarie 2018.

GESEËNDE KERSFEES EN VOORSPOED VIR 2018 WORD AL ONS LESERS TOEGEWENS.


Ander stories