Poortier kuier in Vaalwater

HOOFSTORIES:

• Storm rig groot duisende rande se skade aan • Geliefde skoolhoof sterf • Onherkenbare lyk op grondpad gevind • LUR positief oor Limpopo-ekonomie • Sakevrou in hof oor handtekening • Skuld oor water op ou pype gepak • Fonds help leukemie-lyer • Modimolle dalk dorp van die jaar • CFO aims for improved audit • Biblioteek kleur wêreld anders in • Versigtig met sosiale media en misdaad • Resep: heerlike kolwyntjies • Sy passie laat verlede herleef • Oud-Drakie sing weer ná motorongeluk • Sport: Silwer vir stoeier by Statebondspele

Poortier kuier in Vaalwater

13 April 2018 l Lorrain Loots

l Views: 27 l 7 days ago

Dr. Albert Poortier, ouddokter van Vaalwater, was vir ’n kort kuiertjie in Suid-Afrika nadat hy en sy gesin onlangs na Nieu-Seeland geëmigreer het. Hier staan hy en Melony van Dykstra, een van sy oudpasiënte, voor die munisipaliteit en biblioteek se ysterhek en kuier.

Inwoners van Vaalwater was gelukkig om in dr. Albert Poortier, wat onlangs die land verlaat het, vas te loop.

Poortier, ’n gewilde huisarts van Vaalwater, en sy gesin het na Nieu-Seeland geëmigreer. Poortier en sy vrou, Karien, en hul twee seuns het egter vir twee weke kom kuier om nog ’n paar sake af te handel.

Poortier het sy gesin vir ’n rukkie in Suid-Afrika agtergelaat en op Saterdag 7 April weer terug Nieu-Seeland toe gevlieg.

“Hulle knap die huis waarin hulle op die dorp gebly het op en omskep dit in ’n selfhelpgastehuis,” het Hester van der Watt, Poortier se skoonma en tans onderwyser by Waterberg Academy, aan Die Pos gesê.

Poortier is baie gelukkig met die skole en sy werksomstandighede in Nieu-Seeland, het Van der Watt gesê. “Ek is baie dankbaar vir die ekstra weke met my kinders hier.”