HOOFSTORIES: •   Reën veroorsaak skade; dam nog leeg   •   Sakke dagga gevind   •   Jong leerder vergruis kakebeen ná val   •   Grond op Vaalwater onwettig betree   •   Kontrakteur sê hy is omkoopgeld gevra   •   Afriforum maak dorp skoon terwyl werkers staak   •   Inwoners keelvol vir dienslewering   •   Liggiehuis lok van heinde en ver   •   Munisipale skuld moet beter bestuur word   •   Disabled people also need a future   •   Brief: vat inwoners vas oor vullis   •   Eskom krag-krisis afgeweer   •   Twee renosters buite Vaalwater gestroop   •   Quick recovery after reports of stolen vehicle   •   Organisation to equip youth with skills
 

 
 

 

Gesin ruil Vaalwater vir Nieu-Seeland


   01 December 2017   l   Christie Steyn    l   Views: 129   l   17 days ago  

 

Albert, Lambert, Karien en Leendert Poortier saam met hul geliefde perde. Die Poortier-gesin emigreer ná 19 jaar op Vaalwater na Nieu-Seeland.


Die Poortier-gesin van Vaalwater groet die dorp ná 19 jaar.

Dr. Albert Poortier is bekend as algemene praktisyn op die dorp en sy vrou, Karien was vir lank by die Voortrekkers en kerk betrokke. 

Ná ’n wonderlike vakansie in Nieu-See-land ’n jaar gelede en baie moontlikhede wat oorweeg is, het Albert en Karien en hul twee seuns, besluit om na Nieu-Seeland te verhuis.

“Albert het ’n ongelooflike aanbod gekry om saam met sewe ander dokters in ’n praktyk te werk,” het Karien aan Die Pos gesê. Karien sal haar op die kinders toespits en huishou.

Volgens Albert en Karien is die hoogte-punte wat hulle op Vaalwater beleef het die geboorte van hul twee seuns, Leendert (15) en Lambert (7), die besonderse mense van die omgewing en die pragtige natuurskoon.

Hulle beplan om al hul besittings tuis te los en om hul huis later moontlik in ’n gastehuis te omskep terwyl haar ma, Hester van der Walt, ’n ogie sal hou. 

Karien vertel die eerste mense wat haar 19 jaar gelede op Vaalwater verwelkom het, was Topsie en Wallie Essenberg. 

“Topsie het met ’n pragtige bos blomme en ’n groot glimlag by my aangekom,” het Karien gesê.

Een van die grootste vrae van al die inwoners is hoekom Nieu-Seeland? “Ons het besluit ons sal nêrens anders in Suid-Afrika wil bly as op Vaalwater nie, so ons moet maar landuit,” het Albert en Karien spottend vertel.

Volgens die Poortier-gesin fokus Nieu-Seeland meer op vrye- en gesinstyd. “’n Mens werk hard, maar daar is ook baie klem op gesinstyd,” het Albert gesê. 

“Op skool in Nieu-Seeland word meer klem gelê op vaardigheid, die buitelewe en avontuur as op akademie en druk. Ons kinders kan daar nog kinders wees, met hulle fietse in die strate ry en vry wees,” het Karien gesê.

’n Afskeidspartytjie word op Maandag,  4 Desember, by Hunters Hide-restaurant op die dorp gehou om lekker saam te kuier en wonderlike herinneringe te deel.

 


 

0 Comments

To leave a comment you need to login / register first



       

 

NEEM ASSEBLIEF KENNIS:

Die Pos se kantore sluit op Vrydag, 15 Desember 2017 en heropen weer op Maandag, 8 Januarie 2018.

GESEËNDE KERSFEES EN VOORSPOED VIR 2018 WORD AL ONS LESERS TOEGEWENS.


Ander stories