HOOFSTORIES: •   Bekende boer sterf tragies   •   Leeus spring vergiftiging vry   •   Haarkapper dood in motorhuis gevind   •   Man by reservaat beroof en vasgebind   •   Fondsinsameling vir kankerlyertjie   •   Epilepsielyer breek rugwerwel   •   Bekende prokureur ontken skuld   •   Ongeluk eis vrou se lewe   •   Vrou met honderde katte vra hulp   •   Verkeersman rol motor   •   Diewe weer doenig op Noodhulp   •   Warries vier 70 goue jare   •   Vaalwater musician going places   •   Klub Helpmekaar groet staatmaker   •   Polisie hou bewusmakingsdag   •   Godsdiens steeds in skole   •   Spelers presteer goed tydens Bokkieweek   •   Local student studied in Cuba   •   Fly in weer ’n hoogtepunt
 

 
 

 

Meterlesers moet toegang tot erf kry


   17 February 2017   l   Ronél van Jaarsveld    l   Views: 130   l   5 months ago  

 


Die LIM368-munisipaliteit waarsku inwoners dat hulle verteenwoordigers van die maatskappy Cigicell nie toegang tot hul eiendom mag weier nie. 

Dié maatskappy is deur die munisipaliteit aangestel om hulp te verleen met kragmeter-oudits, die installering van nuwe kragmeters en die herstel en vervanging van meters in alle huishoudings binne die munisipale grense. Dié munisipaliteit bedien inwoners van Vaalwater, Modimolle, Mookgophong en die kleiner plekkies tussen-in. 

“Inwoners moet asseblief nie die waarskuwing ignoreer nie,” het Marlene van Staden, burgemeester, aan Die Pos gesê. 

Volgens die munisipaliteit kan geen verteenwoordiger van Cigicell wat toegang tot ’n eiendom verlang, geweier word indien dit binne redelike ure gebeur nie. Indien hulle toegang geweier word, kan die munisipaliteit die kragtoevoer binne 24 uur afsny. 

Die munisipaliteit het reeds voorheen gewaarsku dat hulle nie wanbetaling sal duld nie, omdat hul uitstaande rekening by Eskom reeds meer as R150 miljoen beloop — grootliks weens inwoners wat nie hul rekeninge betaal nie. 

Mense wat afsprake wil maak vir die oudit of vervanging van hul kragmeters, kan vir Johan Erasmus bel by tel. 082 565 3989. Vir verdere inligting, bel vir Jack Sithole van die munisipaliteit by tel. 083 446 4971.

 


 

0 Comments

To leave a comment you need to login / register first



       



Ander stories