HOOFSTORIES: •   Reën veroorsaak skade; dam nog leeg   •   Sakke dagga gevind   •   Jong leerder vergruis kakebeen ná val   •   Grond op Vaalwater onwettig betree   •   Kontrakteur sê hy is omkoopgeld gevra   •   Afriforum maak dorp skoon terwyl werkers staak   •   Inwoners keelvol vir dienslewering   •   Liggiehuis lok van heinde en ver   •   Munisipale skuld moet beter bestuur word   •   Disabled people also need a future   •   Brief: vat inwoners vas oor vullis   •   Eskom krag-krisis afgeweer   •   Twee renosters buite Vaalwater gestroop   •   Quick recovery after reports of stolen vehicle   •   Organisation to equip youth with skills
 

 
 

 

EFF-raadslid aangekla vir betreding


   01 December 2017   l   Andries van der Heyde    l   Views: 322   l   17 days ago  

 

EFF-raadslid, Andries “Sello” Moswoeu, is op Dinsdag, 28 November, van betreding aangekla nadat hy en ’n groep ondersteuners in Oktober munisipale grond op Bela-Bela probeer beset het. Op die foto is Moswoeu by die polisiestasie nadat hy aangekla is.


Net meer as ’n maand sedert EFF-ondersteuners op Bela-Bela munisipale grond op die Alma-pad langs ’n goed ontwikkelde woonbuurt probeer beset het, is Andries “Sello” Moswoeu, EFF-raadslid, op Dinsdag, 28 November, by die Bela-Bela-polisiestasie weens betreding aangekla.

Hy was glo die persoon wat die besetting gereël het.

Moswoeu het onder meer tydens ’n openbare vergadering ná die besetting gesê: “Ek is ’n raadslid en daarom behoort die grond aan my.”

Talle inwoners, raadslede, asook organisasies was teen die besetting gekant, veral omdat die grond teenaan die woongebied in die dorp grens.

Die EFF het sedertdien hul besetting op die Alma-pad gestaak nadat die munisipaliteit se regsafdeling klagtes by die polisie gelê het. Die EFF het na verneem word daarna besluit om privaat grond in die Spa Park-omgewing, naby Spa Park Primary School, te beset. Dié grond behoort aan die ontwikkelaar Fred van Heerden.

Talle strukture is reeds daar gebou en mense het van privaat dienste gebruik gemaak om erwe skoon te maak. Dié gebied het geen basiese dienste nie.

Moswoeu het die afgelope ruk verskeie kere aan Die Pos gesê dat die EFF sal aanhou om grond te beset totdat die munisipaliteit die dorp “behuisingskrisis” aangepak het.

Nadat Moswoeu amptelik aangekla is, is hy laat gaan.

Hy is gewaarsku om op Dinsdag, 5 Desember, in die Bela-Bela-landdroshof te verskyn.

 

 


 

0 Comments

To leave a comment you need to login / register first



       

 

NEEM ASSEBLIEF KENNIS:

Die Pos se kantore sluit op Vrydag, 15 Desember 2017 en heropen weer op Maandag, 8 Januarie 2018.

GESEËNDE KERSFEES EN VOORSPOED VIR 2018 WORD AL ONS LESERS TOEGEWENS.


Ander stories