HOOFSTORIES: •   Reën veroorsaak skade; dam nog leeg   •   Sakke dagga gevind   •   Jong leerder vergruis kakebeen ná val   •   Grond op Vaalwater onwettig betree   •   Kontrakteur sê hy is omkoopgeld gevra   •   Afriforum maak dorp skoon terwyl werkers staak   •   Inwoners keelvol vir dienslewering   •   Liggiehuis lok van heinde en ver   •   Munisipale skuld moet beter bestuur word   •   Disabled people also need a future   •   Brief: vat inwoners vas oor vullis   •   Eskom krag-krisis afgeweer   •   Twee renosters buite Vaalwater gestroop   •   Quick recovery after reports of stolen vehicle   •   Organisation to equip youth with skills
 

 
 

 

Modimolle-polisie ontdek groot kopervonds


   01 December 2017   l   Ronél van Jaarsveld    l   Views: 943   l   17 days ago  

 

Die Modimolle-polisie het op 600 kg se koperkabels tussen die nywerheidsgebied en die rioolwerke afgekom. Die plastiekomhulsels was reeds van die kabels afgebrand en dit was in 14 hope verdeel. 


’n Onlangse ondersoek na ’n huisbraak in die nywerheidsgebied op Modimolle het daartoe gelei dat die polisie op ’n groot hoeveelheid koperdraad afgekom het. 

Ao. James Findlay, woordvoerder van die Modimolle-polisie, het gesê die polisie en die gemeenskap het die gebied gefynkam ná die inbraak om te kyk of hulle van die gesteelde goedere kan opspoor. 

Hulle het tydens die soektog op sowat 600 kg se koperkabels afgekom. 

Die plastiekomhulsels is reeds van die kabels afgebrand en dit is in 14 bondels verdeel. 

Dié vonds is in die veld naby die rioolwerke gemaak. 

“Die verdagtes sou die koper moontlik vir tussen R13 000 en R18 000 kon verkoop. Die werklike waarde is sowat R40 000,” het Findlay gesê. 

Die polisie het ’n dossier en nie ’n saak geopen nie, omdat daar nie ’n klaer in die saak is nie. 

Enigeen met inligting kan die ondersoekbeampte, ao. Eugene Clarens van die kriminele ondersoekdienste, bel by tel. 082 943 1214.

 

 


 

0 Comments

To leave a comment you need to login / register first



       

 

NEEM ASSEBLIEF KENNIS:

Die Pos se kantore sluit op Vrydag, 15 Desember 2017 en heropen weer op Maandag, 8 Januarie 2018.

GESEËNDE KERSFEES EN VOORSPOED VIR 2018 WORD AL ONS LESERS TOEGEWENS.


Ander stories