HOOFSTORIES: •   Woede kook oor grondgryp   •   Kommer oor krokodille in swemdam   •   Vaalwater-vrou sterf aan malaria   •   Raad bespreek krag-dilemma   •   'Buffelbedrieër' verdwyn   •   Grondbesetting: 'Ons sal dit nie duld nie!'   •   Veiligheidswag dra vuurwapen sonder permit   •   Brief: inwoners ry self vullis weg   •   Stadig met water op Modimolle   •   Só lyk verdagtes van wrede plaasaanval   •   DA-raadslid beseer tydens staking   •   Brandverbod opgehef   •   Jong entrepreneur maak Vaalwater soet   •   Mountain bikers go for gold   •   Nylie-krieket kraai koning
 

 
 

 

Klipgooiery op N1 laat man groot skrik


   11 August 2017   l   Ronél van Jaarsveld    l   Views: 604   l   2 months ago  

 

’n Man wat verlede week na Pretoria onderweg was, het ’n groot skok gekry toe ’n klip vermoedelik naby ’n afrit op die N1-snelweg deur sy voertuig se voorruit gegooi is. 


’n Klip wat vermoedelik deur ’n bewegende voertuig op die N1-suid se venster gegooi is, het op Woensdag, 2 Augustus, groot konsternasie veroorsaak. 

Die motorbestuurder, wat vroegoggend op pad was Pretoria toe, het aanvanklik gedink daar is op hom geskiet. Hy het tot by die Kranskop-tolhek gery vanwaar die polisie ontbied is. 

Dié voorval het in die rigting van Pretoria, net verby die Middelfontein-afrit, gebeur. Die bestuurder het aan die polisie gesê hy het ’n voertuig daar naby langs die pad gesien staan. Geen verdere leidrade kon gevind word nie en die man, wat nie in die omgewing woon nie, wou nie ’n saak by die polisie aanhangig maak nie en is fort. 

Dié klipgooiery het op dieselfde plek gebeur as waar ’n groot vragmotor onlangs omgeslaan het weens ’n gebarste band. In dié voorval is een persoon dood en nog twee in die hospitaal opgeneem. Die ongeluk het groot verkeersontwrigting op Modimolle tot gevolg gehad omdat die snelweg se verkeer deur die dorp herlei is. 

Die Pos het verneem dat daar onlangs nog ’n voorval was van klippe wat van ’n brug af gegooi is, dié keer by die oorbrug by Mookgophong. Die sondebokke was glo jong kinders.

 


 

0 Comments

To leave a comment you need to login / register first



       



Ander stories