HOOFSTORIES: •   Woede kook oor grondgryp   •   Kommer oor krokodille in swemdam   •   Vaalwater-vrou sterf aan malaria   •   Raad bespreek krag-dilemma   •   'Buffelbedrieër' verdwyn   •   Grondbesetting: 'Ons sal dit nie duld nie!'   •   Veiligheidswag dra vuurwapen sonder permit   •   Brief: inwoners ry self vullis weg   •   Stadig met water op Modimolle   •   Só lyk verdagtes van wrede plaasaanval   •   DA-raadslid beseer tydens staking   •   Brandverbod opgehef   •   Jong entrepreneur maak Vaalwater soet   •   Mountain bikers go for gold   •   Nylie-krieket kraai koning
 

 
 

 

Vervalste note lei tot verliese


   11 August 2017   l   Andries van der Heyde    l   Views: 216   l   2 months ago  

 

Foto ter illustrasie.


Sakelui op Bela-Bela het geld verloor nadat hulle met vervalste banknote betaal is.

Twee ondernemings op die dorp, MHV Onderdele en Dros het in die laaste paar weke vervalste note as betaling ontvang. 

Jaco Viljoen, verkoopskonsultant by MHV, het aan Die Pos gesê die onderneming het ’n geringe verlies gelei toe hulle die geld wou gaan bank en die bank die vervalste note uitgewys het.

Hy het gesê hy kan nie met sekerheid sê watter van die kliënte wat die afgelope tyd by die onderneming aangeklop het, met vervalste geld betaal het nie.

Kapt. Annemarie Smith, waarnemende speurtakhoof, het by navraag gesê sakelui moet meer bedag wees en seker maak of die geld wat hulle ontvang eg is aangesien talle variasies van vervalste note die ronde doen.

Sy het voorgestel dat ondernemings masjiene wat geld tel of sensortoestelle (soos ultraviolet-tegnologie) gebruik om vervalste note uit te wys.

Indien daar bevind word dat ’n kliënt met vervalste geld betaal het, moet die polisie in kennis gestel word, het sy gesê.

Skakel die Bela-Bela-polisie by tel. (014) 736 9760/1 of by tel. 072 839 5587.

 


 

0 Comments

To leave a comment you need to login / register first



       



Ander stories