HOOFSTORIES: •   Slimkoppe skitter in matriek   •   Strange murder in Spa Park   •   Vakansieganger haal krokodil uit swembad   •   Hittegolf tref Suid-Afrika   •   Hoofartikel: Krisis in onderwys staar SA in gesig   •   Brief: Spoedgrense verwarrend   •   Pad verspoel ná reën   •   EFF insist on land auditing report   •   Oujaar gevier met boeremusiek   •   Geliefde oud-onnie sterf   •   Kamp vir 23ste jaar aangebied
 

 
 

 

Chemiese storting ná ongeluk op snelweg


   15 June 2017   l   Ronél van Jaarsveld    l   Views: 1023   l   7 months ago  

 

’n Vragmotor wat na bewering vir ’n roekelose taxibestuurder uitgeswaai het, het op Saterdag, 10 Junie, op die N1 noord van die Kranskop-tolhek omgeslaan. Die vrag ammoniumnitraat het oor die pad verspreid gelê.


’n Onverantwoordelike taxibestuurder was glo op Saterdag, 10 Junie, die oorsaak van ’n gevaarlike chemiese storting op die N1-snelweg sowat 4 km noord van die Kranskop-tolhek.

Volgens ’n bron in die provinsiale verkeersdepartement het ’n vragmotor, wat swaar gelaai was met ammoniumnitraat, teen ongeveer 16:00 uitgeswaai vir die taxibestuurder. Die taxibestuurder het glo ander voertuie roekeloos verbygesteek.

Die bestuurder van die vragmotor het beheer verloor en sy voertuig het omgeslaan. Die gevaarlike, vlambare vrag het oor die snelweg verspreid gelê. Die taxibestuurder het volgens bronne van die toneel weggery.

Die Waterberg Disaster Management Centre het om 16:39 ’n noodroep ontvang en onmiddellik gereageer. Hulle het die vrag as ammoniumnitraat uitgeken, waarna die snelweg gesluit en die verkeer via die R33 en R101 deur Modimolle herlei is.

Volgens Patrick Malete, woordvoerder van die Waterberg-distriksraad, het die span deurnag gewerk om die ammoniumnitraat op te ruim en die snelweg weer veilig vir verkeer te maak. “Ons kon die snelweg weer op Sondag om 10:40 vir verkeer oopstel,” het hy gesê.

Ammoniumnitraat word hoofsaaklik as bestanddeel in hoëstikstofkunsmis gebruik. Dit is ook ’n bestanddeel in plofbare mengsels wat in mynbou en siviele bouwerk gebruik word.

Die ammoniumnitraat wat op die snelweg geval het, is opgeruim sonder dat dit vlamgevat het en daar was geen beserings tydens die voorval nie, het Malete gesê.

 


 

0 Comments

To leave a comment you need to login / register first



       


Ander stories