HOOFSTORIES: •   Skok ná nog ’n selfdood   •   Stropers loop hul vas   •   Sentrum wemel van polisie ná vals alarm   •   Goeie nuus vir Salusoord-inwoners   •   Leeustropers slaan weer toe in Vaalwater   •   Hoë tariewe reggestel   •   Rowers teiken weer winkel in hoofstraat   •   "Ons bring werksgeleenthede" sê myn   •   Diewe teiken hoërskool   •   Weg met mishandeling!   •   Tuinmaak is terapeuties   •   Burgemeester deel sukses-wenke   •   Atlete sweet tydens strawwe driekamp
 

 
 

 

Polisie verwelkom lang vonnis van Bela-Bela verkragter


   15 June 2017   l   Andries van der Heyde    l   Views: 221   l   2 months ago  

 

Die Bela-Bela-polisie het die vonnis van ’n verkragter verwelkom. Edward “Nono” Mojela Papo (28) is in die Modimolle-streekhof 25 jaar tronkstraf opgelê vir verkragting en ’n bykomende drie jaar vir aanranding.


Die streekhof op Modimolle het ’n verkragter van Bela-Bela op Donderdag, 25 Mei, swaar gestraf.

Edward “Nono” Mojela Papo (28) is ná byna tien maande in aanhouding deur die hof skuldig bevind aan verkragting.

Volgens ao. Johannes Shitlhane, hoof van die Bela-Bela-polisie se eenheid vir geweld, kinderbeskerming en seksuele misdrywe, is Papo 25 jaar tronkstraf opgelê nadat hy ’n vrou (25) in Augustus verlede jaar in die Donoza-uitbreiding van die Bela-Bela-township verkrag het.

Papo is ook ’n bykomende drie jaar tronkstraf weens aanranding opgelê. Hy het in dieselfde maand van die verkragting ook ’n 19-jarige vrou aangerand en die hof het hom hieraan skuldig bevind, het Shitlhane gesê.

Shitlhane het gesê Bela-Bela-inwoners kan nou rustiger slaap danksy goeie polisiewerk.

 


 

0 Comments

To leave a comment you need to login / register first



       



Ander stories