HOOFSTORIES: •   Man deur renoster aangeval   •   Gholflandgoed dorp se wit olifant   •   Hoës verskyn in hof   •   Jong skoolmeisie steeds vermis   •   Seuntjie (5) verloor vinger ná slangbyt   •   Munisipaliteit moet sake regruk   •   Slagoffer van plaasaanval sterk goed aan   •   Dorpsdam sorgwekkend leeg   •   Hoërskool kry nuwe hoof   •   Jagter agter slot en grendel   •   Groot fees vir Modimolle beplan   •   Skerp draai eis nog 'n lewe   •   Hoërskoolleerder wil Kaapstad help   •   Run and cycle for sports development
 

 
 

 

Polisie wil talle skelms voor Kersfees uitsnuffel


   02 December 2016   l   Andries van der Heyde    l   Views: 182   l   14 months ago  

 

Foto ter illustrasie.


Die polisie in Limpopo is in aanloop tot die feesseisoen besig om klopjagte uit te voer om misdadigers aan die pen te laat ry. 

Gesamentlike klopjagte is verlede week suksesvol deur lede van verskillende polisie-eenhede op Grob-lersdal, Makhado, Mahwelereng, Bela-Bela, Polokwane, Seshego, Musina, Giyani, Tzaneen en Tubatse uitgevoer, het lt.kol. Moatshe Ngoepe, provinsiale polisiewoord-voerder, aan Die Pos gesê.

Die jongste klopjag is deur lede van die misdaadintelligensie-eenheid, speurtakke, misdaad-voorkomingseenheid, provinsiale spoorsnyeenheid, die geweld-, kinderbeskerming- en seksuele mis-drywe-eenheid, asook die taktiese reaksie-eenheid uitgevoer.

Altesame 68 verdagtes tussen die ouderdom van 19 en 47 is tydens die klopjagte in hegtenis geneem. Die verdagtes is onder meer aangekla van gewapende roof, voertuigkaping, huis-braak, diefstal, die besit van ongelisensieerde vuurwa-pens en die besit van dagga.

Ngoepe het gesê daar is beslag gelê op agt vuurwapens, vyf stukke ammunisie, drie voertuie, 15 selfone, bankkaarte, kontant, 101 kg koperkabels, ’n kitsbank, asook 6,18 kg dagga.

“Hierdie soort klopjagte sal dwarsdeur die feesseisoen duur en aanhou tot in die nuwe jaar. Inwoners moet aanhou om wenke oor verdagte optredes aan die polisie deur te gee,” het Ngoepe gesê. Die verdagtes sal in hul onderskeie distrikte in die hofwe verskyn.

 


 

0 Comments

To leave a comment you need to login / register first



       


Ander stories